Ураджэнец Гомельскай вобласці пайшоў ваяваць за Расію і праз тыдзень знік без вестак

• 29.04.2026, 16:49

На фронт ён трапіў з калоніі.

Ураджэнец вёскі Зарэчча Рагачоўскага раёна Максім Крэчун пайшоў ваяваць на баку Расіі і праз тыдзень знік без вестак падчас штурму ў Купянскім раёне ў верасні 2025 года, пра гэта піша выданне «Флагшток».

Крэчун трапіў на фронт літаральна 31 жніўня 2025 года — наўпрост з расійскай калоніі. Там, паводле звестак «Флагштока», ён адбываў тэрмін у 10 гадоў пазбаўлення волі за гандаль наркотыкамі. Да гэтага таксама быў асуджаны па артыкуле за захоўванне наркотыкаў.

Журналісты высветлілі ў знаёмых мужчыны, што ён дагэтуль лічыцца зніклым без вестак. Яго не знайшлі ні жывым, ні мёртвым. Ёсць верагоднасць, што ён апынуўся ў палоне.

На баку РФ ваюе і брат Максіма, Іван. Судзячы па сацсетках — у складзе 10-га палка 76-й дэсантна-штурмавой дывізіі.