У Крычаве котка дапамагае курыцы даглядаць за куранятамі

• 29.04.2026, 18:49

Відэафакт.

У Крычаве звычайная хатняя котка стала сапраўднай зоркай TikTok пасля таго, як пачала даглядаць за больш як 90 куранятамі. Відэа з незвычайнай гісторыяй ужо набралі больш за мільён праглядаў.

На запісах бачна, што котка паводзіць сябе як сапраўдная маці: сагравае малых, ахоўвае іх і пастаянна знаходзіцца побач. Пры гэтым мама-курыца не пярэчыць такому суседству, і яны спакойна дзеляць клопат пра куранят.

Кураняты скачуць па котцы, а спяць усе разам. Гаспадыня распавядае, што вярнуць хатнюю любіміцу дадому ўжо не атрымліваецца: яна не хоча пакідаць сваіх маленькіх падапечных і застаецца ў хляве разам з імі.