«Драконавыя» яйкі на Вялікдзень выклічуць захапленне ў гасцей

• 3.04.2026, 8:50

Спатрэбяцца толькі натуральныя інгрэдыенты, якія знойдуцца ў кожным доме.

Напярэдадні Вялікадня набывае папулярнасць новы трэнд святочнага дэкору - афарбоўванне яек натуральнымі фарбавальнікамі з эфектам «скуры дракона». Для гэтага выкарыстоўваюць прыродныя інгрэдыенты.

Пра гэта распавяла ў Instagram фудблогерка Вольга Лічко.

Драконавыя яйкі з натуральнага фарбавальніка

Белыя яйкі абклейце дробнай лукавай шалупой і паперай. Яйка змочыце вадой, каб усё добра трымалася. Зафіксуйце ўсё шчыльна ў марлі або капроне.

Далей варыце ў вадзе з каркадэ (70 г) 9 хвілін пасля закіпання. У канцы дадайце 1 ст. л. воцату, які замацуе фарбу.

Пакіньце ў гэтым жа адвары да поўнага астывання і пастаўце ў халадзільнік на ноч. Чым даўжэй яйкі ў адвары - тым глыбейшы колер.

Дастаньце, ачысціце і дайце высахнуць. Не мыйце і не трыце, інакш колер зблякне да шэра-блакітнага.

«Я ў захапленні, раблю так упершыню і цяпер буду рабіць на кожны Вялікдзень», — адзначыла аўтарка відэа.