Пасля новага выбуху ў Пермі адбыўся выкід небяспечных рэчываў

• 30.04.2026, 9:59

У небе ўтварыўся «белы грыб».

У Пермі другія суткі запар чуюцца выбухі. Пасля новага ўдару дронаў у горадзе абвясцілі аварыю з выкідам небяспечнага рэчыва, а ў небе над горадам падняўся белы «грыб» дыму.

Як паведамляе РБК-Украіна са спасылкай на мясцовыя Telegram-каналы.

30 красавіка ў Пермі адбыўся чарговы выбух. З гучнагаварыцеляў па горадзе прагучала папярэджанне пра аварыю.

«Адбылася аварыя з выкідам небяспечнага рэчыва», — чуваць на відэа.

Адначасова ў Пермскім краі абвешчана паветраная трывога.

На відэа, якое распаўсюджваюць мясцовыя жыхары, бачны характэрны белы «грыб» дыму над горадам.

Учора, 29 красавіка, дроны ўдарылі па нафтаперакачвальнай станцыі ў Пермскім краі. Сёння, паводле дадзеных сацсетак, адбыўся паўторны ўдар па тым самым аб’екце або паблізу яго. Мясцовыя каналы публікуюць новыя відэа выбуху.

На месцы пажар працягваўся не менш за суткі.