Прэзідэнт Ірана патэлефанаваў Лукашэнку

• 30.04.2026, 16:38

Пезешкіян расказаў дыктатару пра перамовы з ЗША.

Лукашэнка правёў тэлефонную размову з прэзідэнтам Ірана Масудам Пезешкіянам. Ініцыятарам размовы выступіў іранскі бок.

Пезешкіян расказаў пра сітуацыю ў рэгіёне Персідскага заліва і выклаў пазіцыю Тэгерана на перамовах з ЗША.

Як паведамілі ў прэс-службе беларускага дыктатара, бакі адзначылі, што «галоўнай перашкодай для дасягнення мірных дамоўленасцяў застаецца адсутнасць даверу». Лукашэнка заявіў, што зацікаўлены ў як мага хутчэйшым урэгуляванні канфлікту, а прэзідэнт Ірана, са свайго боку, падзякаваў яму за паслядоўную і прынцыповую пазіцыю.