Фіцо: Цэны на нафту залежаць ад таго, ці выспаўся Трамп

• 1.05.2026, 2:31

Прэм'ер Славакіі падзяліўся нечаканай тэорыяй.

Цэны на нафту наўпрост рэагуюць на настрой і заявы прэзідэнта ЗША Дональда Трампа. Энергетычныя рынкі залежаць ад таго, ці выспаўся амерыканскі лідар перад выступленнем, лічыць прэм'ер-міністр Славакіі Роберт Фіцо.

Паводле слоў Фіцо, ваганні цэн на нафту — прамы вынік таго, як сябе адчувае прэзідэнт ЗША.

Палітык адзначыў, што дзеянні амерыканскага лідара непрадказальныя для рынку.

«Калі ён выспаўся — нафта ідзе ўніз. Калі не і робіць нейкую заяву — цэны аўтаматычна растуць», — патлумачыў ён.