Трое ўкраінскіх байцоў утрымлівалі пазіцыі больш за 100 дзён

• 1.05.2026, 12:58

Прыклад стойкасці і адвагі.

Трое пяхотнікаў 93-й асобнай механізаванай брыгады «Халодны Яр» больш за 100 дзён утрымлівалі пазіцыі на Канстанцінаўскім напрамку. Усе яны выконвалі баявыя задачы ў складзе 2-га механізаванага батальёна.

Двое байцоў раней адбывалі пакаранне, аднак далучыліся да абароны Украіны. Трэці вайсковец, па паходжанні палестынец, служыць у Узброеных Сілах Украіны з 2022 года і мае вопыт службы ў Ізраілі.

Пасля завяршэння ратацыі вайскоўцы былі вымушаныя самастойна пакінуць перадавую. Яны прайшлі пешшу 17 кіламетраў да Дружкаўкі, дзе іх сустрэў камандзір роты.

Каб палегчыць шлях, байцы пакінулі частку рыштунку, але вынеслі з пазіцый збіты варожы дрон і трафейную зброю.