Дэсантнікі ЗСУ сарвалі штурм расіян па газавай трубе на Сумшчыне

• 1.05.2026, 15:16

Гэта ўжо не першы такі штурм.

У Сумскай вобласці расійскія акупанты чарговы раз спрабавалі штурмаваць пазіцыі ўкраінскіх войскаў па газавай трубе. Аднак спроба аказалася няўдалай.

Пра гэта паведаміла ў Facebook 71-я асобная аэрамабільная брыгада Дэсантна-штурмавых войскаў ЗСУ.

Шасцёра расійскіх вайскоўцаў спрабавалі выкарыстаць газавую трубу, каб наблізіцца да пазіцый украінскіх байцоў. Аднак яшчэ на падыходзе іх пачалі выяўляць і знішчаць у полі.

Першага ліквідаваў FPV-дрон. Наступную групу накрыла артылерыя проста на адкрытай мясцовасці, калі яны спрабавалі разысціся.

Частка, што выжыла пасля удараў, паспрабавала схавацца сярод дрэў, але была абясшкоджана сродкамі паражэння, у прыватнасці дронам Vampire.

У выніку варожы штурм быў цалкам сарваны, а ўся група акупантаў — знішчана.