З'явіліся спадарожнікавыя здымкі ўдару па аэрадроме з Су-57 і Су-34

• 1.05.2026, 20:46

Расійскія знішчальнікі знішчаныя.

Telegram-канал Exilenova+ апублікаваў спадарожнікавыя здымкі, якія пацвярджаюць удар БПЛА па аэрадроме Шагол у Чалябінскай вобласці РФ, за 1700 км ад дзяржаўнай мяжы Украіны.

Паводле даных канала, пасля ўдару 25 красавіка былі перадыслакаваныя два Су-57 і адзін Су-34. На здымку ад 26 красавіка зафіксавана ліквідацыя наступстваў украінскага ўдару, паведамляе Exilenova+.

«Цуд украінскай інжынерыі. Відавочна, што на такую адлегласць ніхто не будзе дастаўляць 100 кг БЧ (баявой часткі — рэд.). Самалёты паражаныя, гэтага дастаткова для вываду з эксплуатацыі», — пракаментавалі здымкі ў канале.

Нагадаем, 1 мая Генштаб ЗСУ паведаміў, што Сілы беспілотных сістэм ЗСУ 25 красавіка паразілі некалькі расійскіх знішчальнікаў Су-57 і знішчальнік-бамбавік Су-34 на аэрадроме Шагол у Чалябінскай вобласці РФ. Ступень пашкоджанняў варожых самалётаў удакладняецца.