Што адбываецца на рынку нерухомасці ў Мінску

• 11.05.2026, 19:22

Устаноўленыя новыя рэкорды.

Сярэдні кошт кватэры ў Мінску перавысіў 150 тысяч долараў. Пры гэтым другасны рынак жылля працягвае даражэць на фоне скарачэння прапанавання. Пра гэта паведамляе тэлеграм-канал banki24.by са спасылкай на даныя сэрвісу Realt.

За год колькасць кватэр у продажы скароцілася амаль на траціну — цяпер пакупнікам даступна каля 5,75 тыс. аб’ектаў. Пры гэтым сярэдні кошт «квадрата» наблізіўся да 2380 долараў за квадратны метр, а сярэдні кошт кватэры дасягнуў 152 тыс. долараў (+3% за месяц).

Усё большую долю рынку займаюць новыя дамы: амаль 30% прапаноў — жыллё маладзейшае за пяць гадоў. Такія кватэры ў сярэднім на траціну даражэйшыя за стары жыллёвы фонд.

У комплексе «Мінск-Мір» прапанова за год скарацілася амаль удвая — да 1250 кватэр, пры гэтым цэны там выраслі прыкладна на 19%.

Павялічваецца і колькасць самастойных продажаў: сёння без агенцтваў прадаецца ўжо прыблізна кожная пятая кватэра.