Зяленскі пацвердзіў, што першы транш з крэдыту ЕС на €90 мільярдаў Украіна атрымае ў чэрвені

• 11.05.2026, 22:50

Ён падкрэсліў важнасць знешнепалітычнай працы.

Украіна чакае ў чэрвені першыя траншы з фінансавай дапамогі ад Еўрасаюза на €90 мільярдаў. Пра гэта ў звароце 11 мая сказаў прэзідэнт Украіны Уладзімір Зяленскі, тэкст апублікавала яго прэс-служба.

«Менавіта ў чэрвені сродкі павінны пачаць працаваць на ўкраінскую стойкасць», — заявіў Зяленскі.

Паводле слоў кіраўніка ўкраінскай дзяржавы, члены ўрада цяпер актыўна працуюць з Еўракамісіяй, каб працэс пералічэння сродкаў не зацягнуўся.

«Наша ўнутраная стойкасць, моцная знешнепалітычная праца — гэта аснова нашай абароны, аснова нашай абарончай моцы», — дадаў Зяленскі.