Стаў вядомы парадак выступленняў удзельнікаў першага паўфіналу «Еўрабачання-2026»

• 12.05.2026, 6:00

У ім возьмуць удзел 15 краін.

У аўторак, 12 мая, у Вене стартуе 70-ы юбілейны міжнародны песенны конкурс «Еўрабачанне». Ён пачнецца з першага паўфіналу, у якім возьмуць удзел 15 выканаўцаў, піша nv.ua.

Ужо ў аўторак адбудзецца першы паўфінал Еўрабачання 2026, па выніках якога вызначыцца дзясятка краін, якія працягнуць барацьбу за перамогу ўжо ў гранд-фінале 16 мая. Па выніках жэрабёўкі Украіна ў гэтым годзе будзе выступаць у другім паўфінале.

У першым паўфінале возьмуць удзел дзве краіны, прадстаўнікі якіх лідзіруюць у стаўках букмекероў — гэта Фінляндыя і яе дуэт — скрыпачка Лінда Лампеніус і спявак Пэце Паркконен з песняй Liekinheitin, а таксама Грэцыя і спявак Акілас з запальнай песняй Ferto. Таксама менавіта ў гэтым паўфінале будзе выступаць Ізраіль — краіна, вакол удзелу якой ідзе больш за ўсё спрэчак. Ізраіль на конкурсе прадстаўляе Ноам Беттан з песняй Michelle.

У фінал пройдуць толькі 10 краін.

Парадак выступленняў краін у першым паўфінале:

1. Малдова

2. Швецыя

3. Харватыя

4. Грэцыя

5. Партугалія

6. Грузія

7. Фінляндыя

8. Чарнагорыя

9. Эстонія

10. Ізраіль

11. Бельгія

12. Літва

13. Сан-Марына

14. Польшча

15. Сербія

Таксама гледачы пазнаёмяцца з нумарамі прадстаўнікоў Італіі і Германіі, якія, як краіны-заснавальніцы конкурсу, аўтаматычна праходзяць у гранд-фінал.