У Каўнасе прызямліўся паветраны шар кантрабандыстаў з беларускімі цыгарэтамі

• 13.05.2026, 11:30

Ён перавозіў дзевяць тысяч пачак.

У літоўскім Каўнасе ў ноч на сераду прызямліўся паветраны шар, які перавозіў буйную партыю кантрабандных цыгарэт з Беларусі, піша Delfi.

Як паведаміў прадстаўнік Дэпартамента паліцыі Літвы Рамунас Матоніс, аэрастат апусціўся каля 03:17 на вуліцы Лаўрына Івінскё. У прымацаваных да шара каробках знаходзіліся шэсць яшчыкаў з кантрабанднымі цыгарэтамі — усяго каля 9 тысяч пачак беларускай прадукцыі.

Паводле даных літоўскіх праваахоўнікаў, паток падобных кантрабандных аэрастатаў у апошнія месяцы крыху скараціўся, аднак праблема па-ранейшаму застаецца сур’ёзнай.