Байцы ЗСУ ўпершыню збілі новы расійскі БПЛА «Бердыш»

• 13.05.2026, 11:47

З'явілася відэа перахопу.

Байцы 33-й асобнай механізаванай брыгады ЗСУ збілі найноўшы расійскі цяжкі беспілотнік «Бердыш». Пра гэта ў Facebook паведаміла Аператыўнае камандаванне «Поўдзень» ЗСУ.

Паводле даных АК «Поўдзень», вызначыліся, у прыватнасці, аператары БПЛА падраздзялення Legion 33-й асобнай механізаванай брыгады ЗСУ. Гэты новы цяжкі дрон расійскія акупанты выкарыстоўвалі для лагістыкі і удараў па пазіцыях Сіл абароны Украіны.

Украінскія аператары з дапамогай дрона перахапілі «Бердыш» і знішчылі яго ў небе. Акупацыйная армія РФ пачала выкарыстоўваць «Бердыш» з 2025 года. Калі быць больш дакладнымі, то з канца 2025 года. Тады расійскія СМІ паведамілі, што армія РФ атрымала першую партыю новых цяжкіх беспілотнікаў.

Гэты дрон у 2024 годзе распрацаваў «Уралдронзавод», узяўшы за аснову украінскі ўдарны дрон «Баба-Яга». «Бердыш» выкананы па модульнай схеме. Яго можна выкарыстоўваць для ўдараў, разведкі, у лагістычных мэтах, а таксама для ўстаноўкі супрацьтанкавых і супрацьпяхотных мін. Яго грузапад'ёмнасць складае 20 кг, а далёкасць палёту — 25 км (груз вагой да 20 кг дастаўляюць на адлегласць да 15 км). Трэба адзначыць, што да гэтага часу байцы Сіл абароны Украіны яшчэ не збівалі расійскі БПЛА «Бердыш». Ва ўсякім выпадку, у адкрытых крыніцах пра гэта нічога не гаворыцца.