Польшча падняла баявую авіяцыю з-за масіраванай атакі РФ на Украіну

• 13.05.2026, 15:29

У небе працуюць знішчальнікі.

У сераду, 13 мая, Польшча «мабілізавала неабходныя сілы» на тле маштабнага ўдару Расіі па ўкраінскіх рэгіёнах.

Пра гэта паведаміла Аператыўнае камандаванне Узброеных сіл Польшчы.

У Аператыўным камандаванні Узброеных сіл Польшчы заявілі, што такое рашэнне было прынята ў сувязі з выкарыстаннем Расіяй вялікай колькасці беспілотных лятальных апаратаў.

«У рэжыме баявога дзяжурства працуюць знішчальнікі, а наземныя сістэмы супрацьпаветранай абароны і радыёлакацыйнай разведкі пераведзены ў рэжым павышанай баявой гатоўнасці», — падкрэслілі польскія вайскоўцы.

У Польшчы падкрэслілі, што гэтыя меры маюць прэвентыўны характар і скіраваныя на забеспячэнне бяспекі і абарону паветранай прасторы краіны.

У гэты дзень ваенная разведка папярэджвала, што Расія пачала супраць Украіны новую камбінаваную паветраную атаку, якая можа быць працяглай.

Польшча падымала авіяцыю з-за расійскага ўдару па ўкраінскіх рэгіёнах 25 красавіка.