ДАІ ўзмацніць кантроль за гэтым відам транспарту на тыдзень

• 13.05.2026, 21:33

Хто пад прыцэлам.

З 14 па 20 мая супрацоўнікі ДАІ правядуць па ўсёй Беларусі рэйды для прафілактыкі ДТЗ з удзелам грузавога транспарту, паведамляе газета «Светлы шлях».

Кантроль будзе ўзмоцнены ў дачыненні да кіроўцаў і транспартных сродкаў арганізацый і прадпрыемстваў.

Інспектары ў тым ліку правераць стан вялікагрузных аўтамабіляў.

Як удакладняе партал pristalica.by, асаблівую ўвагу нададуць тэхнічнаму нагляду за станам аўтамабіляў, надзейнасці мацавання грузаў, тэхніцы, якая перавозіць небяспечныя і цяжкавагавыя грузы.

ДАІ заклікае кіроўцаў грузавога транспарту выконваць правілы, выбіраць бяспечную хуткасць руху і дыстанцыю.

Перад пачаткам руху і падчас руху трэба сачыць за размяшчэннем грузу, каб ён не зрушыўся і не выпаў на дарогу.

Адной з актуальных праблем застаецца таксама пытанне паркоўкі грузавога транспарту. Супрацоўнікі ДАІ рэгулярна правяраюць і гэта.