Байцы ЗСУ выратавалі мірных жыхароў з дапамогай наземнага дрона

• 14.05.2026, 4:14

Відэа ўнікальнай аперацыі.

21-ы асобны палк беспілотных сістэм «Kraken 1654» 3-га армійскага корпуса ЗСУ правёў аперацыю па выратаванні мірных жыхароў на Ліманшчыне з дапамогай наземных рабатызаваных комплексаў (НРК).

Пра гэта паведамляе Charter97.org са спасылкай на паведамленне Трэцяга армійскага корпуса ў Facebook.

На адной з пазіцый корпуса ў прыфрантавым горадзе на Ліманшчыне Данецкай вобласці чацвёра пажылых людзей, сярод якіх была параненая жанчына, звярнуліся па дапамогу ў эвакуацыі.

Пасля гэтага аператары НРК разгарнулі аперацыю па выратаванні.

Яна складалася з трох этапаў:

наземны дрон, які забраў мірных жыхароў;

пераправа праз раку;

эвакуацыя ў бальніцу ў Славянску.

Байцы корпуса адзначылі, што іх прыярытэтам з'яўляецца выратаванне чалавечага жыцця. Яны таксама заклікалі ўсіх жыхароў прыфрантавых тэрыторый да своечасовай эвакуацыі дзеля іх бяспекі.