Сустрэча Трампа і Сі ў Пекіне: зробленыя першыя заявы

• 14.05.2026, 9:15

Выступленні прэзідэнтаў пачаліся з абмену дружалюбнымі пасланнямі.

У Пекіне адбылася сустрэча прэзідэнта ЗША Дональда Трампа з кітайскім лідарам Сі Цзіньпінам. Ужо з'явіліся першыя заявы прэзідэнтаў, паведамляе УНІАН.

Паводле даных ЦЗІ, у сваёй прамове Сі Цзіньпін сказаў, што ягоная краіна і ЗША павінны быць партнёрамі, а не супернікамі.

«Кітай і ЗША могуць толькі выйграць ад супрацоўніцтва і толькі прайграць ад супрацьстаяння. Мы павінны быць партнёрамі, а не супернікамі», – заявіў ён.

Таксама Сі Цзіньпін падзяліўся, што заўсёды верыў, што ў ягонай краіны з ЗША ёсць шмат агульных інтарэсаў. «Я заўсёды верыў, што ў нашых дзвюх краін больш агульных інтарэсаў, чым рознагалоссяў. Поспех адной – гэта магчымасць для другой», – сказаў ён.

Асобна Сі закрануў тэму Тайваня, назваўшы яе «найважнейшым пытаннем у кітайска-амерыканскіх адносінах»:

«Калі яго не ўрэгуляваць належным чынам, дзве краіны могуць сутыкнуцца або нават уступіць у канфлікт».

Увогуле кітайскі лідар нават назваў сустрэчу з кіраўніком Белага дома знакавай і такой, за якой назірае ўвесь свет.

У сваю чаргу Трамп усхваляў веліч кітайскага лідара:

«Вы, Сі Цзіньпін, – вялікі лідар. Я кажу гэта ўсім: вы – вялікі лідар. Людзям не падабаецца, што я так кажу, але я ўсё адно гэта кажу, таму што гэта праўда. Я кажу толькі праўду».

Акрамя таго, дзяржсакратар ЗША Марка Рубіа паведаміў, што Трамп падчас візіту будзе дамагацца дапамогі Кітая ў вырашэнні пытання вайны з Іранам. А Пекін разлічвае выкарыстаць сустрэчу для стабілізацыі гандлёвых адносін з ЗША.