Найдарожшы катэдж у Мінску ў красавіку прадалі за $360 тысяч

• 14.05.2026, 12:27

Плошча аднапавярховага будынка складае 144 кв. м.

Ён знаходзіцца ў прыватным сектары за мікрараёнам «Левада». Плошча аднапавярховага будынка складае 144 кв. м, піша realt.by.

Па кошце сталічны лідар саступіў нерухомасці за МКАД. Нагадаем, статус найдарожшага дома па выніках красавіка ў Беларусі атрымаў цагляны катэдж у вёсцы Сасновая Смалявіцкага раёна (так званая «IT-вёска»). Аб’ект плошчай 591 кв. м прадалі за $3,6 млн — гэта ў 10 разоў больш, чым аддалі за дом у Зацені.

Лідар мінскага сектара прыватных дамоў адстаў па кошце і ад кватэрнага сегмента. У красавіку статус найдарожшага жылля ў Мінску атрымала «двушка» плошчай 123 кв. м у легендарным «доме Чыжа» на вул. Старажаўскай. За яе новы ўладальнік заплаціў амаль $523,8 тыс., што на $163,8 тыс. даражэй за катэдж у Зацені.