Заўтра Беларусь здзівіць пагодным кантрастам

• 14.05.2026, 16:39

Удзень чакаецца розніца тэмператур да 11 градусаў.

Паводле даных Белгідрамета, у пятніцу, 15 мая, у Беларусі чакаецца пераменная воблачнасць. Пераважна без ападкаў, аднак ва ўсходніх раёнах магчымыя дажджы, месцамі моцныя, з навальніцамі. Уначы і раніцай у асобных раёнах прагназуецца слабы туман. Вецер будзе ўмераны, пераменных напрамкаў, пры навальніцах магчымыя парывы.

Тэмпература паветра ўначы складзе ад +1 да +7 °C, на ўсходзе — +8…+11 °C. Удзень паветра прагрэецца ад +12 °C на паўночным усходзе да +23 °C на паўднёвым захадзе краіны.

У суботу, 16 мая, месцамі па Беларусі пройдуць кароткачасовыя дажджы, удзень у асобных раёнах магчымыя навальніцы. Вецер застанецца ўмераным, пераменных напрамкаў, пры навальніцах стане парывістым.

Уначы тэмпература будзе вагацца ад +2 °C на ўсходзе да +10 °C на захадзе. Удзень чакаецца пацяпленне да +18…+25 °C.