Іспанец праславіўся тым, што ідэальна нарэзае хамон

• 14.05.2026, 17:49

Эрнеста Сарыяна стаў сапраўднай зоркай гастранамічнага свету.

У Іспаніі Эрнеста Сарыяна стаў сапраўднай зоркай гастранамічнага свету — людзі становяцца ў чэргі на вяселлях, турнірах і свецкіх прыёмах, каб паспрабаваць хамон, нарэзаны ягонай рукой, піша The New York Times (пераклад — сайт Charter97.org).

На турніры Madrid Open яго намёт стаў самым папулярным месцам VIP-зоны. Пакуль тэнісісты выходзілі на корт, Сарыяна з хірургічнай дакладнасцю наразаў лустачкі элітнага «jamón ibérico», ператвараючы працэс амаль у спартыўнае шоу. Госці жартавалі, што яго «ўдар» больш дакладны, чым у гульцоў.

Сарыяна — вядучы майстар найбуйнейшага іспанскага вытворцы хамона Joselito. Яго задача — не толькі рэзаць дарагія акоркі вагой да 9 кілаграмаў, але і тлумачыць гасцям паходжанне прадукту і гісторыю вытрымкі.

Хамон у Іспаніі даўно стаў часткай культуры і статусу. Сёння яго падаюць на элітных мерапрыемствах, а майстэрства нарэзчыка ацэньваецца амаль гэтак жа высока, як і само мерапрыемства.

Сарыяна прыйшоў у прафесію ў 15 гадоў і прайшоў шлях ад працы ў сямейнай крамцы да абслугоўвання каралеўскіх банкетаў і музеяў. Ён прызнаецца, што атрымаў траўмы ад шматгадовай працы, але не шкадуе.

«Больш за ўсё я люблю сам працэс нарэзкі», — кажа ён.

На буйных падзеях ён кіруе цэлай камандай і асабіста кантралюе падачу прадукту, ператвараючы хамон у гастранамічнае шоу, дзе галоўным героем становіцца не спартовец або госць, а ідэальна нарэзаная луста.