Міністр абароны Ізраіля асудзіў лідара «Барселоны» за сцяг Палестыны

• 14.05.2026, 20:17

Ісраэль Кац абвінаваціў Ламіна Ямаля ў падбухторванні супраць Ізраіля.

Міністр абароны Ізраіля Ісраэль Кац абвінаваціў лепшага бамбардзіра «Барселоны» Ламіна Ямаля у распальванні нянавісці пасля таго, як 18-гадовы футбаліст размахваў сцягам Палестыны падчас чэмпіёнскага параду каманды 11 мая.

Кац напісаў, што Ямаль вырашыў заняцца «падбухторваннем супраць Ізраіля і распальваннем нянавісці», пакуль яго салдаты змагаюцца з палестынскай групоўкай ХАМАС.

«Кожны, хто падтрымлівае падобныя заявы, павінен спытаць сябе: ці гуманна гэта ў яго вачах? Ці маральна гэта?», — напісаў Кац у сацсетцы X, заклікаўшы «Барселону» асудзіць дзеянні футбаліста.

Ямаль размахваў палестынскім сцягам у аўтобусе з адкрытым верхам падчас параду ў гонар перамогі каманды ў чэмпіянаце Іспаніі. Паводле даных мясцовых уладаў, парад сабраў каля 750 тыс. чалавек, адзначае AP.

Ямаль вызнае іслам (бацька футбаліста з Марока, а маці — з Экватарыяльнай Гвінеі). Пасля параду футбаліст апублікаваў фотаздымак са сцягам Палестыны ў Instagram.