У Аманскім заліве напалі і патапілі індыйскае судна

• 15.05.2026, 8:11

Экіпаж выратаваны берагавой аховай Амана.

Індыйскае механізаванае ветразнае судна «Хаджы Алі» было атакавана і патоплена ў Аманскім заліве. Усіх 14 членаў экіпажа выратавала берагавая ахова Амана. Індыя асудзіла напад і назвала яго «непрымальным».

Пра гэта паведамляе Bloomberg.

Што адбылося

Судна «Хаджы Алі» атакавалі падчас пераходу з Самалі ў Шарджу — яго падпалілі, пасля чаго яно патанула. Індыйскія ўлады не назвалі адказных за напад. Экіпаж выратаваны берагавой аховай Амана.

Прадстаўнік МЗС Індыі Рандхір Джасівал асудзіў атакі на камерцыйныя суда і грамадзянскія экіпажы і заклікаў пазбягаць абмежаванняў суднаходства.

Кантэкст

Інцыдэнт адбыўся на тле абвастрэння напружанасці паміж ЗША, Ізраілем і Іранам у Персідскім заліве і Армузскім праліве. Праз пралів праходзіць каля пятай часткі сусветнай здабычы нафты і звадкаванага газу — закрыццё гэтага маршруту ўжо справакавала рост коштаў на паліва ва ўсім свеце.