Украінскія дроны разбамбілі ваенны аэрадром у Ейску

• 15.05.2026, 10:42

Неба над горадам зацягнута дымам.

Моцныя выбухі раздаваліся ўначы ў Ейску Краснадарскага краю. У раёне ваеннага аэрадрома ўздымаецца дым. Удары па ім былі нанесеныя ўкраінскімі беспілотнікамі.

На мясцовым аэрадроме дыслакуецца 859-ы Цэнтр баявога прымянення і перавучвання лётнага складу марской авіяцыі ВМФ РФ. Паводле звестак экспертаў, там таксама знаходзіцца ўнікальны наземны выпрабавальна-трэніровачны комплекс – авіятэхнічная сістэма, што імітуе палубу авіяносца. Яго выкарыстоўваюць для трэніровак узлёту і пасадкі палубнай авіяцыі.

Беспілотнікі ўжо прыляталі на гэты аэрадром, у прыватнасці, там былі выбухі ў сакавіку 2026 года.