Мад’яр абвясціў пра перадачу выхадных дапамог чыноўнікаў Орбана ў украінскі дзіцячы дом

• 15.05.2026, 21:17

Дзіцячы дом размешчаны недалёка ад усходняй мяжы Венгрыі.

Выхадныя дапамогі чыноўнікаў урада Віктара Орбана пералічаць у фонд, які працуе з дзецьмі ва Украіне. Пра гэта заявіў прэм’ер-міністр Петер Мад’яр, перадае Telex.

Па яго словах, адпаведную прапанову абмяркоўвалі падчас перадачы ўлады з адыходзячымі міністрамі. Мад’яр паведаміў, што ўжо папрасіў былога кіраўніка адміністрацыі прэм’ер-міністра Гергеля Гуяша перадаць новаму ўраду рэквізіты фонду.

«Кабінет міністраў пагадзіўся з тым, што члены адыходзячага ўрада перададуць свае выхадныя дапамогі на дабрачыннасць», — сказаў Мад’яр, словы якога таксама цытуе Hungary Today.

Паводле венгерскага заканадаўства, адзначае TVP, міністры і іх намеснікі могуць прэтэндаваць на выплаты пасля заканчэння паўнамоцтваў. Паводле слоў прэм’ера, агульная сума выплат міністрам складае каля 350 млн форынтаў, а разам з намеснікамі — амаль 1 млрд форынтаў (каля $3,0–3,2 млн).

Паводле слоў Мад’яра, у цяперашняй сітуацыі адмова ад выхадных дапамог — гэта «мінімум», які могуць зрабіць былыя члены ўрада.

Дзіцячы дом размешчаны недалёка ад усходняй мяжы Венгрыі, у населеным пункце, дзе пражывае пераважна венгерскамоўнае насельніцтва Украіны.