Трамп і Сі канчаткова абнулілі статус Расіі

• Уладзімір Пастухоў
• 15.05.2026, 21:31

Для Пуціна ёсць дрэнная навіна.

Больш за ўсё сустрэча Трампа і Сі нагадвае мне сустрэчу Гарбачова і Рэйгана ў Рэйк'явіку. Нуль практычнага выніку — і абазначэнне змены эпохі.

Зразумела, што мізансцэна зусім іншая, перадусім таму, што на гэтую сустрэчу Трамп прыбыў у слабой пазіцыі. І не з-за Ірана (Іран толькі пагоршыў сітуацыю), а таму, што ЗША ў цэлым дэманструюць нізходны трэнд, як калісьці СССР. А Кітай, наадварот, узыходзіць на свой геапалітычны Алімп.

Гэта было прынюхванне, па выніках якога бакі прынялі рашэнне разысціся бартамі. Ніхто не атрымаў больш за тое, што меў да гэтага, але ў выйгрышы застаўся Кітай. Ускосна адбылася яго легітымізацыя ў якасці звышдзяржавы. Цяпер у свеце два «раўнавялікія» цэнтры сілы і ўсе астатнія побач.

Для Пуціна ёсць дрэнная навіна: гэтай жа сустрэчай Трамп і Сі канчаткова абнулілі статус Расіі як дзяржавы першага шэрагу. Ёй няма месца за адным сталом з «раўнавялікімі».

Пуцін ужо на паўдарозе ў Пекін, дзе старшыня Сі раскажа яму, як яны дамовіліся з Трампам кіраваць светам. І, вядома, паабяцае сваё пакроўніцтва (дасць «дах»). Але гэта зусім не той тэатр, пра які марылі крэмлёўскія еўразійцы…

Уладзімір Пастухоў, Telegram