Сёння — дзень нараджэння культавага беларускага мастака Алеся Родзіна

• 15.05.2026, 22:18

Яму магло б споўніцца 79 гадоў.

Алесь Родзін нарадзіўся 15 мая 1947 года ў Баранавічах. Скончыў Беларускі дзяржаўны тэатральна-мастацкі інстытут (аддзяленне дызайну і жывапісу).

Родзін — адзін з самых яскравых прадстаўнікоў беларускага авангарду, працаваў у сферах эксперыментальнага жывапісу і перформансу.

Больш за дзесяць гадоў заставаўся рэзідэнтам берлінскага Дома мастакоў Tacheles, дзе выстаўляліся яго працы. Таксама быў адным з арганізатараў фестывалю «Дах», што праходзіў у Мінску.

Алеся Родзіна не стала 19 снежня 2022 года.