Зуброў з Белавежскай пушчы прывезлі ў Расію

• 16.05.2026, 5:33

На новае месца пражывання адправілі аднаго самца і пяць самак.

Шэсць зуброў з Белавежскай пушчы даставілі ў Башкартастан (Расія). Жывёлы будуць утрымлівацца ў прыродным парку «Мурадымаўскае ўшчэлле» ў Кугарчынскім раёне, паведамілі ў прэс-службе нацыянальнага парка.

У новае асяроддзе пражывання адправілі аднаго самца і пяць самак, пры гэтым, як чакаецца, дзве з іх неўзабаве прынясуць патомства.

Праект па аднаўленні папуляцыі зуброў у Башкартастане рэалізуецца з 2023 года. Тады ў рэгіён ужо завезлі 18 асобін з Белавежскай пушчы. Жывёлы паспяхова адаптаваліся і далі патомства — восем цялят.