Маскву атакавалі дроны

• 16.05.2026, 17:36

Мэр Сабянін налічыў 26 БПЛА.

Дроны Узброеных Сіл Украіны з 02:00 па мінскім часе атакуюць Маскву.

Сродкі расійскай СПА нібыта адбілі атаку шасці беспілотнікаў, якія ляцелі на сталіцу, паведаміў мэр Сяргей Сабянін.

Такім чынам, агульная колькасць дронаў, што ляцелі на Маскву і былі збітыя з пачатку сутак, дасягнула 26.

На фоне адбіцця атакі тры сталічныя аэрапорты прыпынялі працу. Так, раніцай 16 мая Расавіяцыя абвясціла пра абмежаванні для Дамадзедава, Жукоўскага і Внукава.

На момант падрыхтоўкі публікацыі ўсе тры авіягавані аднавілі працу, аднак аэрапорт «Внукава» перайшоў на рэжым прыёму і адпраўлення рэйсаў па ўзгадненні з адпаведнымі органамі.