Эксперт распавёў, калі Лукашэнка можа адважыцца напасці на Украіну

• 17.05.2026, 4:00

Будуць прыкметы.

Ваенны аналітык Іван Ступак у інтэрв'ю каналу «Суперпазіцыя» заявіў, што патэнцыйная пагроза агрэсіі з боку Беларусі можа ўзнікнуць пры фармаванні на мяжы з Украінай буйной вайсковай групоўкі колькасцю не менш як 15 тысяч чалавек.

Каментуючы словы прэзідэнта Уладзіміра Зяленскага аб спробах Расіі ўцягнуць Беларусь у вайну, эксперт адзначыў, што на дадзены момант, паводле яго ацэнкі, на тэрыторыі Беларусі адсутнічае расійская ўдарная групоўка, здольная прадстаўляць непасрэдную пагрозу.

Паводле яго слоў, мінімальны колькасны парог, пры якім канцэнтрацыя войскаў можа стаць фактарам рызыкі, пачынаецца прыкладна з 5 тысяч вайскоўцаў. Аднак такая колькасць, на яго думку, не з'яўляецца дастатковай для сур'ёзнай наступальнай аперацыі.

Ступак падкрэсліў, што для рэальнай пагрозы павінна ісці гаворка пра 15–20 тысяч вайскоўцаў і больш, як гэта было ў 2022 годзе, калі ў Кіеўскую вобласць з боку Беларусі заходзілі прыкладна 46–47 тысяч расійскіх вайскоўцаў.

Ён таксама адзначыў, што схаваць фарміраванне падобнай групоўкі немагчыма: перакідка такой колькасці войскаў патрабуе часу — ад некалькіх месяцаў да паўгода, уключаючы лагістыку, размяшчэнне і правядзенне вучэнняў.