Крым пад атакай дронаў: выбухі грымяць па ўсім паўвостраве

• 17.05.2026, 8:42

Масіраваная атака ішла некалькімі хвалямі.

Акупаваны Крым у ноч на нядзелю, 17 мая, сустрэў выбухамі і стрэльбай амаль па ўсім паўвостраве. Паветраная атака, якая пачалася познім вечарам суботы, ішла некалькімі хвалямі. Падчас гэтай атакі знікла святло ў Севастопалі, Балаклаве і на Фіоленце, піша OBOZ.UA.

Мясцовая «ўлада» асцярожна паведамляе пра нібыта два дзясяткі збітых украінскіх БПЛА і заклікае не верыць відэа, якое імкліва распаўсюджваюць крымчане — маўляў, гэта «фэйкавыя ўкіды». Са свайго боку відавочцы сцвярджаюць, што паўвостраў атакаваны і БПЛА, і ракетамі.

Судзячы па паведамленнях крымскіх OSINT-супольнасцяў, першая хваля паветранай атакі дасягнула Крыму а 23-й гадзіне 16 мая, а ўсяго паўвостраў ужо ахапілі тры такія хвалі.

Відавочцы паведамляюць, што на аэрадроме «Кача» і ў сяле Пясчаным «стрэляюць зеніткі і кулямёты, святзяць у неба пражэктары» увесь гэты час. Некалькі разоў страляў аэрадромны ЗРК «Панцыр» — адзначым, што гэтую СПА ўключаюць толькі для адбіцця ракетных атак.

Выбухі пачулі і на аэрадроме «Бельбек». Скардзіліся на «гучную працу СПА» ў Віліне, паведамлялі пра «прылёт» на мысе Фіолент у Севастопалі, пра стрэльбу СПА ў Берагавым і Навафёдараўцы.

Пры гэтым на аэрадроме «Сакі» ў Навафёдараўцы бесперапынная стрэльба працягваецца дагэтуль. «У Інкермане вельмі вясёла і гучна», паведамляюць у крымскіх пабліках.

Каля паўночы стала вядома, што «Балаклава падключылася да двіжухі», а Севастопаль і Фіолент накрыла другая хваля стрэльбы і выбухаў.

А першай гадзіне ночы спачатку «мігала», а потым увогуле знікла электразабеспячэнне ў Севастопалі, на Фіоленце і ў Балаклаве. Паведамляецца, што былі «прылёты» ў раёне Балаклаўскай ТЭС. А аб другой гадзіне ночы прагрымелі выбухі ў пасёлку Чарнаморскае.