Пад Масквой атакаваная і гарыць Солнечногорская наліўная станцыя

• 17.05.2026, 9:33

Гэта важны аб’ект сістэмы магістральных нафтапрадуктаправодаў сталіцы РФ.

У ноч на 17 мая жыхары вёскі Дурыкіна Маскоўскай вобласці РФ паведамілі пра выбух і пажар. Кадры відавочцаў, якія прааналізавала ASTRA, сведчаць, што ўражаная Солнечногорская наліўная станцыя.

Солнечногорская наліўная станцыя (СНС) — гэта буйны паліўна-наліўны аб’ект у Маскоўскай вобласці, які ўваходзіць у сістэму магістральных нафтапрадуктаправодаў вакол Масквы. Яна выкарыстоўваецца для захоўвання, перакачкі і адгрузкі бензіну і дызельнага паліва. Размешчаная побач з вёскай Дурыкіна ў гарадскім акрузе. На станцыі знаходзяцца шматлікія рэзервуары для захоўвання паліва.

Нагадаем, што сёння ўначы дроны магутна атакавалі Маскву і Падмаскоўе.