БПЛА паразілі галоўны расійскі аэрапорт «Шарамецьева»

• 17.05.2026, 13:29

У Маскве масава затрымлівалі авіярэйсы.

Уначы ў нядзелю, 17 мая, дроны атаквалі Маскоўскую вобласць РФ. Выбухі прагучалі ў Кліне, Зяленаградзе, Сходні, Хімках, Дзедаўску, Дурыкіне.

Рана раніцай на тэрыторыі «Шарамецьева» было зафіксавана падзенне абломкаў БПЛА. Пра гэта паведамілі у прэс-службе аэрапорта.

Адзначалася, што абломкі знаходзяцца на бяспечнай адлегласці ад зон абслугоўвання пасажыраў і паветраных суднаў.

З-за атакі аэрапорты сталічнага рэгіёна РФ былі часова закрытыя на вылет і прылёт паветраных суднаў. Больш за 200 авіярэйсаў затрымана і скасавана ў Шарамецьеве, больш за 75 — у Внукаве. Таксама абмежаванні дзейнічалі ў Дамадзедаве і Жукоўскім. Усяго аперацыя «Кавёр» цягнулася каля 4 гадзін.

Паводле даных расійскіх каналаў, пад удар дронаў трапілі Маскоўскі НПЗ, нафтазаліўная станцыя «Солнечногорская» ў вёсцы Дурыкіне, прадпрыемства «Транснефть» і тэхнапарк «Элма», які вырабляе электроніку для ваенных патрэбаў у Зяленаградзе, машына-канструктарскае бюро «Радуга» ў Дубне і інш.