Беларуская клубніца аказалася даражэй за імпартную

• 17.05.2026, 15:33

Якія цэны на ягады на сталічным рынку.

Цэны на буякі на сталічным Камароўскім рынку даходзяць да 110 рублёў. На прылаўках стала больш клубніцы, але айчынная выходзіць даражэй за імпартную. Пра гэта паведамляе выданне «Мінск-навіны».

Клубніцу цяпер можна знайсці амаль на кожным рынку. У залежнасці ад паходжання і якасці ягады каштуюць ад 9,90 да 22,90 рубля за кілаграм. Пры гэтым беларуская ягада пакуль прыкметна даражэй — за яе просяць ад 25 да 54 рублёў.

Буякі на прылаўках пакуль імпартныя, таму цэны застаюцца высокімі: ад 45 да 110 рублёў за кілаграм. Прадаўцы чакаюць, што ў чэрвені з'явяцца айчынныя, і тады, як сцвярджаецца, кошт павінен знізіцца.

Нядаўна на рынках з'явілася чарэшня. Пакуль цэны высокія і на яе: за кілаграм просяць ад 22,90 да 120 рублёў.