Надвор'е ў Беларусі 18 мая: да +27 °С

• 17.05.2026, 16:06

Пройдуць дажджы.

У панядзелак, 18 мая, у Беларусі чакаюцца моцныя дажджы і навальніцы. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Так, 18 мая чакаецца воблачнае з праясненнямі надвор'е. Уначы пераважна па ўсходняй палове краіны, раніцай і ўдзень на большай частцы тэрыторыі пройдуць дажджы. Уначы месцамі, раніцай і ўдзень у многіх раёнах чакаюцца навальніцы і моцныя дажджы. Вецер зменлівых напрамкаў, умераны, пры навальніцах парывісты, удзень месцамі прагназуецца шквалістае ўзмацненне ветру. Тэмпература паветра ўначы +9...+15 °С. Максімальная ўдзень ад +1 °С да +23 °С, на ўсходзе да +27 °С.

У аўторак, 19 мая, уначы чакаецца воблачнае з праясненнямі надвор'е, удзень — пераменная воблачнасць. Месцамі па краіне пройдуць кароткачасовыя дажджы, навальніцы. Уначы і раніцай у асобных раёнах будзе слабы туман. Вецер зменлівых напрамкаў, парывісты. Тэмпература паветра ўначы ад +8 °С на паўднёва-захадзе і да +16 °С на поўначы, удзень ад +16 °С на паўночным захадзе і да +29 °С на ўсходзе.

У сераду, 20 мая, чакаецца пераменная воблачнасць. Месцамі па рэспубліцы пройдуць кароткачасовыя дажджы з навальніцамі. Уначы і раніцай у асобных раёнах магчымы слабы туман. Вецер уначы зменлівых напрамкаў, удзень паўночны, паўночна-ўсходні парывісты, удзень у асобных раёнах пры навальніцах моцны, парывісты. Тэмпература паветра ўначы будзе ад +7 °С на захадзе і да +15 °С на ўсходзе, удзень — +17...+24 °С, па ўсходняй палове месцамі да +29 °С.