Міжнародныя інвестары вывелі з фондаў кітайскіх акцый $22 млрд за тыдзень

• 17.05.2026, 16:57

Капітал перацякае на амерыканскі рынак.

Чысты адток сродкаў міжнародных інвестараў з акцый кітайскіх кампаній з 5 па 12 мая склаў $22,2 млрд. Гэта максімальны паказчык са студзеня, вынікае з даных Emerging Portfolio Fund Research, з якімі азнаёміўся «КоммерсантЪ». Капітал перацякае на амерыканскі рынак, які выглядае для інвестараў больш прывабна з-за большай энерганезалежнасці.

Амаль бесперапынны адток сродкаў з фондаў кітайскіх акцый назіраецца з пачатку года. За гэты час страты фондаў склалі $185 млрд. У выніку іх актывы скараціліся з амаль $950 млрд да $810 млрд. У сваю чаргу фонды амерыканскіх акцый прыцягнулі за мінулы тыдзень амаль $22 млрд. Гэта максімальнае значэнне з сярэдзіны сакавіка.

«З улікам таго, што ёсць рызыкі негатыўнага ўздзеяння, выкліканага канфліктам на Блізкім Усходзе, энергетычнага шоку на эканоміку Кітая як буйнога імпарцёра нафты і энергарэсурсаў, нядаўнія адтокі могуць насіць рынкавы характар», — сказаў «Ъ» упраўляючы актывамі УК «Доверительная» Дмитрий Терпелов.