Трамп патэлефанаваў Нетаньяху

• 17.05.2026, 21:56

Абмяркоўвалі сітуацыю ў Іране.

Прэм’ер-міністр Ізраіля Біньямін Нетаньяху і прэзідэнт ЗША Дональд Трамп абмеркавалі па тэлефоне вайну ў Іране, як паведамілі выданню Times of Israel у офісе ізраільскага прэм’ера.

Як піша выданне, размова адбылася напярэдадні закрытага пасяджэння па пытаннях бяспекі ў Ізраілі.

Пра планы патэлефанаваць Трампу Нетаньяху паведаміў падчас

пасяджання ўрада з нагоды Дня Ерусаліма 17 мая. «Я абавязкова выслухаю яго ўражанні ад паездкі ў Кітай, а таксама, магчыма, меркаванне па іншых пытаннях. Варыянтаў развіцця падзей дастаткова; мы гатовыя да любога сцэнару», — сказаў ён.

16 мая The New York Times са спасылкай на крыніцы сярод службовых асоб у краінах Блізкага Усходу паведаміла, што ЗША і Ізраіль вядуць узмоцненую падрыхтоўку да новых удараў па Іране. У план, паводле звестак выдання, уваходзяць больш агрэсіўныя бамбардзіроўкі ваенных аб’ектаў і інфраструктуры Ірана. Яго распрацавалі на выпадак, калі Трамп вырашыць выйсці з «тупіка» ў перамовах з Іранам праз новую хвалю атак.

Паводле слоў амерыканскага прэзідэнта, канфлікт у Іране ў ваенным плане завершаны на 70–75%. Ён паабяцаў, што ЗША «вярнуцца і закончаць».