The Economist: Армія РФ пачала губляць кантроль на фронце

• 17.05.2026, 22:27

Украіна вяртае тэрыторыі.

Расійскія войскі пачалі губляць пазіцыі ў вайне супраць Украіны, нягледзячы на тое, што інтэнсіўнасць баявых дзеянняў застаецца высокай.

Пра гэта гаворыцца ў матэрыяле выдання The Economist.

У матэрыяле адзначаецца, што апошнім часам характар баявых дзеянняў паступова змяняецца. Вясновае наступленне расійскіх войскаў фактычна спынілася, а страты асабовага складу застаюцца вельмі высокімі.

Паводле дадзеных аналізу, упершыню з кастрычніка 2023 года расійская армія панесла невялікія, але адчувальныя тэрытарыяльныя страты.

Гэта азначае, што каля 3 працэнтаў даваеннага мужчынскага насельніцтва Расіі прызыўнога ўзросту загінула або было паранена.

Па ацэнках журналістаў, па стане на сярэдзіну мая загінула ад 280 тысяч да 518 тысяч расійскіх вайскоўцаў. Агульныя страты разам з параненымі складаюць ад 1,1 да 1,5 мільёна чалавек.

Журналісты адзначаюць, што значныя страты расійскіх войскаў не адпавядаюць іх вынікам на фронце. Поле бою ўскладняецца праз актыўнае выкарыстанне украінскіх беспілотнікаў, якія паражаюць мэты далёка за лініяй судакранання.

Гэта ўскладняе перакідванне расійскіх падраздзяленняў.

Нягледзячы на здагадкі пра павольнае прасоўванне арміі РФ, сёлета яна захапіла каля 220 квадратных кіламетраў, што складае ўсяго 0,04 працэнта тэрыторыі Украіны.

У той жа час украінскія сілы за апошні месяц адбілі прыблізна 189 квадратных кіламетраў. Па ацэнцы выдання, гэта можа сведчыць пра магчымы пералом у ходзе вайны.