На МКАДзе — буйная аварыя

• 21.05.2026, 13:05

Сутыкнуліся пяць аўтамабіляў.

38‑гадовы вадзіцель МАЗа, рухаючыся па ўнутраным кольцы ў раёне 10‑га км Мінскай кальцавой аўтамабільнай дарогі, пры выбары хуткасці руху не ўлічыў дарожнай абстаноўкі і не справіўся з кіраваннем.

У выніку МАЗ сутыкнуўся з аўтамабілем Nissan, які ад удару адкінула на Opel, што рухаўся ў тым жа напрамку. Грузавік працягнуў рух і сутыкнуўся з маршрутным таксі Mercedes, а тое — з Geely.

У медыцынскія ўстановы дастаўлены шэсць пасажыраў маршруткі, а таксама 25‑гадовы пасажыр Geely.