Bloomberg: Украіна адбіла ў РФ 400 кв. км акупаванай тэрыторыі

• 22.05.2026, 8:09

Апублікаваныя даныя амерыканскай выведкі.

На пачатку гэтага года Украіне ўдалося адваяваць у РФ каля 400 квадратных кіламетраў пасля таго, як інтэрнэт Starlink стаў недаступным для расіян.

Пра гэта са спасылкай на даныя амерыканскай выведкі паведамляе Bloomberg.

Паводле звестак агенцтва, гаворка ідзе пра наступ Сіл Абароны на поўдні Украіны на пачатку 2026 года. Пасля абмежавання працы Starlink для расійскіх войскаў акупанты сутыкнуліся з сур'ёзнымі праблемамі са сувяззю і каардынацыяй падраздзяленняў.

Выведка ЗША прыйшла да высновы, што ўкраінскім вайскоўцам удалося вярнуць каля 400 квадратных кіламетраў тэрыторыі. У Пентагоне лічаць, што адключэнне расійскіх сіл ад Starlink стала адным з ключавых фактараў поспеху аперацыі.

Калі казаць канкрэтна пра прычыны паразы расіян, Bloomberg піша, што пасля страты доступу да сістэмы ў расійскіх падраздзяленняў пагоршылася кіраванне войскамі і інфармаванасць аб сітуацыі на полі бою. Аналагічныя ацэнкі раней з'яўляліся і ў расійскіх вайсковых Telegram-каналах.

Паводле інфармацыі агенцтва, ЗША і SpaceX апошнімі месяцамі працавалі над тым, каб абмежаваць выкарыстанне Starlink расійскімі вайскоўцамі. У Вашынгтоне называюць сістэму крытычна важнай для ўкраінскай арміі.

Разам з тым Bloomberg адзначае, што поспехі ЗСУ не прывялі да маштабнага пералому на фронце. Расія працягвае наступальныя дзеянні на некалькіх напрамках і спрабуе перагрупаваць сілы пасля праблем з камунікацыямі.