У Беларусі зноў абмежавалі наведванне лясоў

• 25.05.2026, 15:50

Свабодны доступ захоўваецца толькі ў 33 раёнах краіны.

Трэці клас пажарнай небяспекі ў лясах фіксуецца ва ўсіх рэгіёнах Беларусі, паведамляе прэс-служба Міністэрства лясной гаспадаркі.

Свабоднае наведванне лясных угоддзяў 25 мая абвешчана толькі ў Браслаўскім, Верхнядзвінскім, Глыбоцкім, Докшыцкім, Мёрскім, Полацкім, Пастаўскім, Расонскім, Шаркаўшчынскім раёнах Брэсцкай вобласці; у Іўеўскім, Карэліцкім і Навагрудскім раёнах – Гродзенскай вобласці; у Дзяржынскім, Капыльскім, Мінскім, Мядзельскім, Пухавіцкім, Слуцкім, Смалявіцкім, Старадарожскім, Уздзенскім і Чэрвеньскім раёнах – Мінскай вобласці; у Асіповіцкім раёне Магілёўскай вобласці.

На ўсёй астатняй тэрыторыі краіны ўведзена абмежаванне на наведванне лясоў. А гэта значыць, што там можна толькі гуляць, збіраць грыбы і ягады. Разводзіць вогнішчы, праводзіць турслёты, школьныя экскурсіі і іншыя масавыя мерапрыемствы, заязджаць на аўтамабілях – нельга. За парушэнне пагражае штраф да 12 базавых велічынь (да 540 рублёў).

Інтэрактыўная карта на партале Міністэрства лясной гаспадаркі пастаянна абнаўляецца ў залежнасці ад змены сітуацыі, у тым ліку пагодных умоў.