Цана барэля нафты Brent апусцілася ніжэй за $94

• 25.05.2026, 20:19

Упершыню з 21 красавіка.

Кошт нафты Brent упершыню з 21 красавіка апусціўся ніжэй за адзнаку $94 за барэль на лондонскай біржы ICE.

Паводле даных на 19:54 па Мінску, жнівеньскія ф’ючэрсы на нафту Brent знізіліся на 6,22% — да $93,98 за барэль, упершыню з 21 красавіка апусціўшыся ніжэй за адзнаку $94. Ліпеньскія ф’ючэрсы на WTI патаннелі на 6,37%, да $90,45.

Раніцай 25 мая цэны на нафту прыкметна зніжаліся на фоне магчымага заключэння мірнага пагаднення паміж ЗША і Іранам.