Першае выданне кнігі пра «Гары Потэра» прадалі на аўкцыёне за $23 тысячы

• 25.05.2026, 22:03

У год выхаду кніга каштавала каля $6,7.

Першае выданне рамана «Гары Потэр і філасофскі камень» 1997 года ў мяккай вокладцы было прададзена на аўкцыёне ў англійскім Стафардшыры за 17 тыс. фунтаў стэрлінгаў ($23 тыс.). Пра гэта паведамляе The Mirror. У год выхаду кніга каштавала каля $6,7.

Кніга амаль у ідэальным стане, бо амаль 30 гадоў праляжала на гарышчы, піша The Mirror. У аўкцыённым доме яе назвалі «найлепшым асобнікам, які калі-небудзь з'яўляўся на рынку». Кошт лота пабіў рэкорд іншай кнігі гэтага выдання, якая была прададзена ў 2025 годзе на тым жа аўкцыёне за $16,2 тыс.

Першапачатковы выдаўца рамана ў Вялікабрытаніі — Bloomsbury — не чакаў вялікага попыту і надрукаваў 500 асобнікаў першага выдання «Гары Потэра і філасофскага каменя» ў цвёрдым пераплёце і каля 5 тыс. — у мяккім, адзначае The Sun.