У МЗС Украіны задумаліся, што азначаюць пагрозы Захаравай

• 26.05.2026, 3:04

Адзін з варыянтаў — алкагалізм.

Міністэрства замежных спраў задумалася, што азначаюць расійскія пагрозы біць па Кіеве. У МЗС не выключаюць алкагалізм або адчай. Пра гэта гаворыцца ў публікацыі спікера МЗС Георгія Ціхага ў сацыяльнай сетцы X.

Ён адзначыў, што ўжо чатыры гады і тры месяцы Расія штотыдзень атакуе Кіеў балістычнымі і крылатымі ракетамі, а таксама роямі дронаў, забіваючы мірных жыхароў і выклікаючы разбурэнні.

«Сёння яна разыгрывае зусім «новую карту» — пагражае... атакаваць Кіеў. Пра што гэта сведчыць?» — напісаў Ціхі.

Ён прапанаваў карыстальнікам выбраць варыянты:

→ алкагалізм;

→ адчай;

→ адсутнасць крэатыўнасці;

→ усё вышэйпералічанае.