У ЗША раскрылі сапраўдную прычыну істэрык Лаўрова

• 29.05.2026, 15:38

Эфект для Масквы будзе цалкам супрацьлеглым чаканаму.

Пагрозы Сяргея Лаўрова на адрас замежных дыпламатаў у Кіеве сведчаць пра поўную безвыхаднасць Расіі на фронце.

Пра гэта заявіў кангрэсмен ЗША Джым Хаймс на брыфінгу ў Кіеве, паведамляе карэспандэнт РБК-Украіна.

Сябра Камітэта па пытаннях разведкі Палаты прадстаўнікоў Кангрэса ЗША Джым Хаймс заявіў, што пагрозы Лаўрова азначаюць тры рэчы.

Першая — гэта прыкмета поўнай безвыхаднасці, бо ўпершыню за доўгі час Расія губляе пазіцыі ва Украіне па агульных паказчыках.

«Рускаму народу варта паглядзець на тое, якую ахвяру ад іх патрабуюць прынесці ў выглядзе ўласнай крыві, уласных сыноў дзеля гэтага вар'яцкага дыктатара, які губляе пазіцыі ва Украіне», — сказаў Хаймс.

Ён дадаў, што ў бліжэйшыя месяцы ўкраінскія вайскоўцы працягнуць адваёўваць тэрыторыі, і гэта абыдзецца Расіі ў каласальную цану.

Другая, на думку кангрэсмена, — гэта прызнанне ладу мыслення чалавека, якому камфортна здзяйсняць ваенныя злачынствы.

Ён адзначыў, што пагрозы мірнаму насельніцтву і дыпламатам сведчаць пра тое, наколькі лёгка Расія выбірае мэтамі бальніцы, радзільныя дамы і няўрадавыя арганізацыі, што дастаўляюць дапамогу грамадам уздоўж лініі фронту.

Трэці эфект, паводле слоў Хаймса, будзе наўпрост процілеглым чаканаму Масквой. Кангрэсмен заявіў, што ўжо плануе наступную паездку ў Кіеў, а ў Вашынгтон вернецца разам з сенатарам, каб дамагчыся выдзялення дадатковых рэсурсаў для Украіны.

«Усё, што ўвасабляе Сяргей Лаўроў, — гэта менавіта тое, супраць чаго павінен змагацца вольны народ», — падсумаваў ён.