Польскія лакаматывы бізнес-класа знялі з маршрута Мінск — Магілёў

• 31.05.2026, 21:38

Прычынай названы пазапланавы рамонт.

Польскія дызель-цягнікі PESA 731M часова выведзеныя з эксплуатацыі на асобных маршрутах, паведамілі ў тэлеграм-канале Беларускай чыгункі (БЧ).

Змены закранулі цягнікі міжрэгіянальных ліній бізнес-класа, што курсіравалі паміж Мінскам і Магілёвам. На час адсутнасці дызель-цягнікоў іх заменяць склады з лакаматыўнай цягай.

У прыватнасці, замена закранула рэйсы №742/741 Мінск — Магілёў — Мінск, №746 Мінск — Магілёў, а таксама №742 Мінск — Магілёў.

У БЧ удакладнілі, што пасажырам, якія раней набылі квіткі ў бізнес-клас, будзе кампенсавана розніца ў кошце праезду пры звароце ў квітковыя касы.

Прычынай часовага зняцця цягнікоў з маршрутаў названы пазапланавы рамонт рухомага складу. Арганізацыя папрасіла прабачэння ў пасажыраў за дастаўленыя нязручнасці.