Навроцкі падзякаваў Трампу за вызваленне Пачобута

• 4.05.2026, 13:26

Размова паміж прэзідэнтамі ЗША і Польшчы адбылася ўвечары 3 мая.

Прэзідэнт Польшчы Караль Навроцкі правёў тэлефонную размову са сваім амерыканскім калегам Дональдам Трампам.

Пра гэта паведамілі ў канцылярыі Навроцкага ў сацыяльнай сетцы X.

Як адзначылі ў офісе Прэзідэнта Польшчы, размова паміж Навроцкім і Трампам адбылася ўвечары 3 мая.

Навроцкі падзякаваў Трампу за намаганні і ўклад у вызваленне журналіста Анджэя Пачобута, асуджанага рэжымам Лукашэнкі на восем гадоў калоніі ўзмоцненага рэжыму.

Таксама прэзідэнты абмеркавалі бягучую сітуацыю ў сферы бяспекі. Ключавой тэмай размовы стала прысутнасць амерыканскіх войскаў у Еўропе.

«Абодва лідары чарговы раз пацвердзілі трываласць і значнасць польска-амерыканскага саюза», — дадалі ў офісе Прэзідэнта Польшчы.