У таксістаў з’явіцца новы абавязак

• 4.05.2026, 15:07

Яна тычыцца кошту паездкі.

Таксіст пры пасадцы «ад борта» павінен будзе паведаміць пасажыру прыблізны кошт паездкі. Пра гэта паведаміў падчас прэс-канферэнцыі 4 мая начальнік упраўлення аўтамабільнага і гарадскога пасажырскага транспарту Міністэрства транспарту і камунікацый Андрэй Гладкі.

— Раней нярэдка ўзнікалі канфліктныя сітуацыі, калі пасажыру пасля паездкі выстаўлялі завышаны кошт, спасылаючыся на паказанні лічыльніка. Каб выключыць такія выпадкі, было прынята гэтае рашэнне, — патлумачыў спікер.

Андрэй Гладкі расказаў і пра яшчэ адно важнае наваўвядзенне: калі раней спосаб аплаты паездкі маглі змяняць дыспетчар або перавозчык, то цяпер — толькі пасажыр.