Зяленскі пра перамір’е на 9 мая: Гэта, мякка кажучы, несумленна

• 4.05.2026, 19:59

Прэзідэнт Украіны назваў прапанову цішыні на адзін дзень «цынічнай».

Расія дагэтуль афіцыйна не праінфармавала Украіну пра дамоўленасці аб часовым спыненні агню.

Пра гэта прэзідэнт Украіны Уладзімір Зяленскі заявіў падчас зносін з журналістамі ў Ерэване.

Паводле яго слоў, прапановы кароткатэрміновага спынення агню на фоне штодзённых абстрэлаў і гібелі ўкраінцаў выглядаюць цынічна.

«Гэта вайна Расіі супраць Украіны. Перамір’е на адзін дзень, а перад гэтым забіваць нашых людзей — гэта, мякка кажучы, несумленна. Сёння Мерэфа, учора Дніпро — загінулыя, параненыя, дарослыя, дзеці. Пасля гэтага казаць: давайце спынімся на адзін дзень, каб правесці парад, — гэта несур’ёзна», — падкрэсліў прэзідэнт.

Зяленскі дадаў, што ў Украіны няма святаў і пасля 9 мая «яны зноў будуць забіваць».