Французскім студэнтам забяспечылі абеды па €1

• 4.05.2026, 20:54

Даўно гэтага дамагаліся студэнцкія прафсаюзы.

Усе французскія студэнты атрымалі магчымасць харчавацца ў універсітэцкіх сталовых па €1, паведамляе France Info

Дагэтуль такая льготная цана камплекснага абеду была даступная толькі тым, хто атрымлівае дзяржаўную стыпендыю, астатнія плацілі па €3,30. Цяпер жа па €1 паесці зможа любы студэнт. Даўно гэтага дамагаліся студэнцкія прафсаюзы, а ўрад у студзені ўхваліў адпаведны артыкул бюджэту.

Рост наведвальнасці сталовых, паводле ацэнак арганізацыі Cnous, якая кіруе студэнцкімі сацыяльнымі службамі, складзе 12,5%.

Урад ужо вылучыў €50 млн на рэалізацыю меры, з якіх €35 млн пойдуць на кампенсацыю страты даходаў сталовых у выніку зніжэння цэн, а астатняя частка — на падрыхтоўку памяшканняў для прыёму большай колькасці студэнтаў.